Að venju verður borinn fram saltaður fýll úr Mýrdalnum, veiddur af Tryggva Ástþórssyni og verkaður undir vökulum augum Málfríðar Eggertsdóttur.
Auk þess verður boðið upp á hangikjöt og meðlæti.
Inga Jóna Sigfúsdóttir matreiðir herlegheitin
sem fyrr með aðstoð Rósu frá Eyjarhólum.
Sögumaður Baldur Óskarsson frá Vík.
Hilmar Sverrisson leikur fyrir dansi.
Miðapantanir til og með 22. október
Hákon (821 2115) og Helgi (899 4818)
Aðgangur kr. 6.500
Written on .
Söngfélag Skaftfellinga - Æfingar
Söngfélag Skaftfellinga mun hefja söngstarfið þriðjudagskvöldið 16. september kl. 20:00 í Skaftfellingabúð, Laugavegi 178, 4. hæð.
Æfingar verða á þriðjudagskvöldum í vetur. Stjórnandi er Friðrik Vignir Stefánsson.
Nýir félagar eru velkomnir í allar raddir. Opið hús er á þriðjudagskvöldum og er söngfólk hvatt til að koma í heimsókn, fá sér kaffisopa og kynna sér starfsemi Söngfélagsins.
Nýir félagar greiða ekki félagsgjald fyrsta misserið.
Söngfélag Skaftfellinga er blandaður fjórradda kór og eru söngfélagar ættaðir víðsvegar að af landinu, þótt flestir eigi ættir að rekja í Skaftafellssýslur.
Fjöldi söngfélaga er u.þ.b. 40. Áhugasamir eru eindregið hvattir til þátttöku.
Upplýsingar gefur Stjórn Söngfélags Skaftfellinga:
Skaftáreldar breyttu Brunasandi úr eyðisandi í gróna sveit. Helgina 21-22.júni verður gönguferð um Brunasand og tengist hún útgáfu Dynskóga á næsta ári, sem mun fjalla um þessar breytingar og náttúrufar og mannlíf á Brunasandi. Fararstjórar og leiðsögumenn verða: Jón Hjartarson sagnfræðingur, Bergrún Óladóttir jarðfræðingur, Edda Sigurdís Oddsdóttir líffræðingur, Helgi Björnsson jöklafræðingur, Jóhann Óli Hilmarsson fuglafræðingur, Júlíana Magnúsdóttir þjóðfræðingur, Margrét Ólafsdóttir landfræðingur og Þóra Ellen Þórhallsdóttir grasafræðingur. Þátttakendur nota eigin bíl og útvega sér sjálfir gistingu í og við Kirkjubæjarklaustur. Skráning og nánari upplýsingar eru á heimasíðu Ferðafélags Íslands.
Skaftfellingafélagið & Ferðafélag Íslands
Written on .
Hreinsunardagur í Heiðmörk
Allir sem þrá að láta gott af sér leiða og taka til hendinni í fögru umhverfi mæta í lund félagsins í Heiðmörk laugardaginn 24. maí, kl. 10, með nesti, sagir, klippur og annað er að gagni kemur við fegrun lundarins.
Written on .
Fundargerð aðalfundar 2013
Samþykkt hefur verið að setja fundargerð aðalfundar á vefinn, hér er skýrlsan frá aðalfundi 2013 og á næstu dögum kemur skýrslan frá fundinum 2014.
Skálmarar hafa gengið eins og klukkur undanfarin ár kl. 19.30, á miðvikudögum um Elliðaárdal (7km) og kl. 11.00 á laugardögum (hring í Heiðmörk). Yfirleitt er þetta sami kjarninn sem gengur á miðvikudagskvöldum en laugardagsgangan er sjaldnast jafn fjölmenn. Eigi að síður eru þessi tími og dagar til göngu vel kynntir meðal Skálmara og facebook notuð til þess að hvetja fólk til göngu. Ef ekki er gengin hefðbundin leið, láta menn vita á féssíðunni ef eitthvað bitastæðara býðst – og þá með frekar stuttum fyrirvara.
Miklar líkur eru á að fá félagsskap á þessum auglýsta tíma. Það er líka mikilvægt fyrir þá sem ganga allt árið að hafa göngufélaga sem fylgjast með því hverjir leggja af stað og að allir skili sér til baka.
Göngur í vetur hafa verið með hefðbundnu sniði, þó fámennari en oft áður og stafar það af slæmu færi, auk þess sem meiðsl hafa hrjáð nokkra félaga. Nánast undantekningarlaust mætir alltaf einhver, en þó er ekki svo slæmt að ganga einn í nafni Skálmara.
Oftast er gengið í þéttum hópi sem leið liggur frá Lækjarási í Blesugróf upp Elliðaárdalinn upp að vatnsveitubrúnni við Sundlaug Árbæjar. Farið er yfir brúna og svo niður dalinn að hitaveitustokknum. Þegar komið er yfir hann er gengið aftur að Lækjarási í Blesugróf. Frá þessu eru þó undantekningar, því ef stöku Skálmari hefur verið í líkamsræktarátaki hefur honum verið umhugað um að sýna árangurinn með því að arka þessa leið sem er um 7km á undan félögunum á ofsahraða. Nú svo ef fæturnir eru ekki í besta formi er hægt að ganga styttri hring t.d. Stífluhringinn. Hann nær frá Stíflunni að vatnsveitubrúnni og aftur að stíflunni.
Skálmarar unnu það þrekvirki í júlíbyrjun síðasta sumar að ganga upp á Lómagnúp að austanverðu, upp Hvirfildal. Ekki var þó farið langt fram á núpinn að þessu sinni, en útsýnið var ægifagurt. Síðan var gengið sem leið lá vestur heiðar og var komið niður snarbratta skriðu rétt vestan Núpsstaðar. Ferðin tók tíu tíma. Næstu tvo daga voru gengnir drjúgir dagpartar, þann fyrri á Síðunni með Elsu Bjarnadóttur upp frá Hörgsdal og þann seinni með Herði í Kálfafellskoti í Fljótshverfi og skoðuð einstök gljúfur og fossar upp af bæjum þeirra í báðum tilvikum. Þetta var afar vel heppnuð ferð eins og reyndar allar þær ferðir sem Skálmarar hafa staðið fyrir undanfarin ár. Endað var á grillveislu í skemmu Harðar í Kálfafellskoti með ómissandi harmonikkuundirleik Kristins Kjartanssonar. Þessa daga hélt stærsti hluti hópsins til í Heiðarseli á Síðu, en aðrir í eigin sumarhúsum eða heimahúsum.
Þátttakendur nær 20 alla dagana, en ekki alltaf þeir sömu.
Guðrún Arnarsdóttir frá Ytra Hrauni og Lilja Magnúsdóttir á Kirkjubæjarklaustri áttu veg og vanda að stórgóðu skipulagi þessa sumarskálms.
Allir Skaftfellingar hér syðra sem áhuga hafa á göngu eru hvattir til þess að taka þátt í þessum skemmtilega hópi.
