Skip to main content

Written on .

Vortónleikar og kaffi

vortonl.2015Sunnudaginn 10. maí, kl. 14:00 heldur Söngfélag Skaftfellinga sína árlegu vortónleika í Seltjarnarneskirkju. Á efnisskrá eru innlend og erlend sönglög auk þess sem "Vinir Skúla" troða upp með hressilegum flutningi sínum. Hljóðfæraleik annast Jón Rafnsson (bassi), Matthías Stefánsson (fiðla) og Pálmi Sigurhjartarson (píanó). 
Nærri 40 félagar hafa stundað æfingar í vetur undir stjórn Friðriks Vignis Stefánssonar. Kórinn fór í velheppnaða söngferð til Ísafjarðar um liðna helgi, þar sem dvalið var að Núpi í Dýrafirði og sungið í Ísafjarðarkirkju við góðar undirtektir. 
 
Að loknum tónleikum býður Skaftfellingafélagið og Söngfélagið til kaffisamsætis í Skaftfellingabúð - eða upp úr kl. 15:30. Þar verður auk þess slegið upp söng af einhverju tagi. 
 
Aðgangseyrir á tónleika er kr. 2.000 - frítt fyrir 17 ára og yngri. 
 
Allir velkomnir. 

Written on .

Aðalfundur

Aðalfundur Skaftfellingafélagsins verður haldinn
fimmtudagskvöldið 7. maí 2015, kl. 20, í Skaftfellingabúð, Laugavegi 178.
Venjuleg aðalfundarstörf.
 

Written on .

Skaftfellingafélagið 75 ára

skaft 01fSkaftfellingafélagið er 75 ára 21. mars en það var stofnað 21. mars 1940.

Written on .

Spurningakeppni

Þau óvæntu úrslit urðu að Skaftfellingar féllu út úr spurningakeppninni.

Written on .

Skaftfellingamessa

Messa 2012Sunnudaginn 15. mars 2015 kl. 14, verður árviss Skaftfellingamessa haldin í Breiðholtskirkju. Prestar Breiðholtskirkju, þau sr. Gísli Jónasson og sr. Bryndís Malla Elídóttir, þjóna fyrir altari en auk þess er nú prestum og kórfólki úr Austur-Skaftafellssýslu boðið til messunnar. Kórarnir leiða saman messusöng undir stjórn organista og kórstjóra.
Söngfélag Skaftfellinga selur kaffi að messu lokinni í safnaðarheimili kirkjunnar.

Written on .

Spurningakeppni átthagafélaganna

sigurlidid i spurn 2014Þann 26. febrúar er seinna kvöldið í 19 liða spurningarkeppni Átthagafélagana.   Keppnin er í Breiðfirðingabúð, Faxafeni 14 og hefst kl. 20:00
 
Þeir sem keppa það kvöldið eru:
Siglfirðingafélagið - Átthagafélag Héraðsmanna
Skaftfellingafélagið - Breiðfirðingafélagið - Barðstrendingafélagið
Ísfirðingafélagið - Vopnfirðingafélagið - Félag Djúpmanna
Félag Álftfirðinga og Seyðfirðinga vestra - Bolvíkingafélagið - Átthagafélag Vestmannaeyinga í Reykjavík.
 
Lið Skaftfellinga verður áfram skipað þeim sem unnu í fyrra 
Liðið skipa þau Jóna Benný Kristjánsdóttir, ættuð úr Nesjum og Suðursveit, Salómon Jónsson frá Vík sem var um tíma búsettur á Höfn og Hornfirðingurinn Þórhallur Axelsson.

Fleiri greinar...