Vorferð 25. maí
Skaftfellingafélagið efnir til vorferðar austur í hina viðkunnanlegu Vestur-Skaftafellssýslu laugardaginn 25. maí.
Brot af eystri sýslunni verður í besta falli sjáanlegt tilsýndar því endastöð ferðarinnar er sveitin Brunasandur sem á sér merka og forvitnilega sögu. Þeirri sögu eru hjónin og vísindafólkið Þóra Ellen Þórhallsdóttir og Helgi Björnsson sem eiga aðsetur í Hruna, reiðubúin að lýsa fyrir okkur.
Nokkur herbergi eru laus þessa nótt, 25. – 26. maí, á Hótel Laka í Landbroti en við þurfum að fá sem fyrst að vita um væntanlega þátttöku til að geta haldið þeim.
Farið verður á einkabílum og reikna með að menn sameinast eins og hægt er.
Pantanir berist til Gunnþóru Gunnarsdóttur á netfangið gunnthorag (hja) internet.is eða í síma 892 5415